你最抵鍚

　

　

　　

本來看騷前應該避開一切演唱會報導，舞台造型曲目還有他的死人gag，知的越少越好，結果還是看了，報導寫的情況多壞，只擔心他唱壞嗓子，多過緊張自己有冇得睇。　可幸真實情況並不那麼壞，一兩首便開了聲，便入佳境更放到盡，又開心又頓腳，咁唔鍚身！你仲有咁多場呀大寶！（大寶 ?!）

　　

也好像只有他配得全民偏心愛護。　聽眾懂分辨真情假意，那麼會唱又有情的沒剩幾個，真心千金難求，所以尤其珍惜。　一路返屋企一路諗，香港地有個陳奕迅響度，真係好，然後慶幸得眼紅紅。
　
能教我鼻酸的另一個經已不在，四月從2003年起不再叫我興奮，眨眼又一年。
得你最抵鍚了，Eason，願你台上生蝦咁跳，要懶型時可以好有型。
記得鍚自己，你是大家的寶呀，知道冇。